Monthly Archives: apirila 2017

Tipi-tapa, korrika, ailegatuko dira Pirritx, Porrotx eta Mari Motots maiatzean Elizondora

Pirritx eta Porrotx

Maiatzaren 6an, larunbatean, bisitatuko gaituzte aurten Pirritx, Porrotx eta Mari Mototsek eta honakoan euskararen lekukoa eskuetan etorriko dira guregana.  Korrika euskararen aldeko lasterketa omenduko dute Tipi-tapa, Korrika! ikuskizun berrian: “Korrikako kilometro bakoitzean lekukoa pasatzen dugu euskaldunok eskurik esku, maitasunez. Lekukoa airean dabil, lurrik ukitu gabe, barruan mezu sekretu bat gordeta, sudurgorriok zuen herriko jaialdian zabalduko duguna”.

Ikuskizuna arratsaldeko bostetan izanen da Elizondoko frontoian eta sarrerak dagoeneko salgai daude toki hauetan: Elizondon (Axular, Intza eta Fantxike), Donezteben (Cafe ostatua), Sunbillan (Bustitz), Beran (Errekalde) eta Lesakan (Haizea). Egunean berean, leihatilan (ordu erdi lehenago zabalduko da). 

Animatu euskal pailazoen ikuskizun berriaz gozatzera!

Advertisements