DANTZATZEN DEN HERRIA

Joan den igandean, otsailak 2an, Ikastolako haurrak eta gurasoak ”Dantzatzen den herria” programan parte hartu zuten. Hemen dituzue argazkiak.

 

OLENTZERO ETA MARINDOMINGI

Urtero bezala, abenduaren 24ean, Olentzero eta bere laguntzaile Mari Domingi ilusioa banatzera etorri ziren.

Haur, gazte eta ez hain gazteek egin zieten harrera Zahar Etxeko atean eta haur dantzariek aurreskua eskaini eta gero, herrian barnako kalejira ikusgarria egin zen. Aurtizko joaldunen joare hotsak aitzinean, ikazkina eta Mari Domingi, txistulariak, haur dantzariak, bertsolariak, koplakariak, txalapartariak eta Elizondoko bandak jende andana izan zuten lagun karriketan barna.

Guraso Elkartetik eskerrak eman nahi dizkiegu Pellori, egindako kartel pollitagatik, Elizondoko Gaztetxeari, prestatu ziguten txokolate goxoarengatik, Elizondoko Herri Eskolari, gaztainak eta sagardoa banatu baitzituzten desfilean eta Beti zurrutak elkarteko kideei, ikastolako parkean eskainitako pintxoengatik. Eskerrak ere  Gabon kantak abestera  animatu ziren abeslariei!!!!!

Bukatzeko, hemen dituzue saskien zozketako saridunetako batzuk.

OLENTZERO TTIKI IRUDITAN

HERRI KROSA

Joan den igandean,  abenduak 15ean,  Eguberritako krosa, Iriarte frontoian, burutu genuen.  Bi ibilbide desberdinak izan genituen bat ttipientzat, frontoian bertan eta bestea herriko plazatik buelta ematen zuena.

Ikastolako Haur Hezkuntzako ttipienetatik hasita Lehen Hezkuntzako 6. mailako ikasleetara eta bertze herri eskoletakoak ere, guztiak gogotik egin zuten laster.   Aurten,  6.Mailako ikasleak, ikasbidaiarako dirua lortzeko,  xareto batzuk zozketatu zituzten.

Parte-hartzaile guztiek, oparitzat, baztan ikastolako motxila jaso zuten eta behin krosa akituta, ohitura den bezala, Guraso Elkarteak hamaiketakoa eskaini genuen frontoian bildutako guztiei.

Bukatzeko, eskerrak eman laguntzaile lanetan ibili zineten guraso eta 6.Mailako ikasleei.

 

Ni neu izatearen eskubidea

Joan den ortziralean, azaroak 15, arratsaldeko 17:00etan, behitiko Ikastolan, Aingeru Oiartzabal psikologoaren eskutik, gurasoendako tailerren barne, “Ni neu izatearen eskubidea” gaia hizpide izan genuen.

Mutil eta neska, gizon eta emakume izatearen ehunka estereotiporen baldintzapean bizi gara gaur egun.  Solasaldian haur eta nerabeengan esteriotipo  hauek duten eraginaren inguruan hitz egiteaz gain, onarpen ororen garrantzia azpimarratu zen.

Esker mila Aingeru, arras aberasgarria izan da!

POTTOKA-ZOZKETAREN SARIDUNAK!

Baztan ikastolako, Ekain ikasle ohia, Antton eta Urko Arrupea Iribarren ikasleak izan dira aurten pottoka-zozketan saridunak.

Foto de Miren

Zorionak  zuei eta baita zuen familiakoei ere!

Foto de Miren (1)

ELIZONDOKO FERIAK

Urtero bezala , aurten ere, Elizondoko ferietan, Merkatuko zelaian, gure pottoka-zozketa izan genuen. Hemen dituzue zenbaki saridunak.

Foto de Miren(2)

Pottoka ez zen ikastolako ordezkari bakarra izan,   6. mailako ikasleak ere, haien jaki goxoak saltzen aritu ziren Merkatu Zelaian. Eski kanpainarako dirua lortzeko asmoz, postua jarri zuten, Pottoka ondoan. Tortillak, xingerra, txistorra, salda beroa, gaztain erreak, kroketak, bizkotxoak, krepak eta pastelak datatzeko aukera izan genuen.

Mila esker laguntza eskaini zenieten guztiei!

NAFARROA OINEZ’19 IZAN ARGI!

Aurten ere, Baztan Ikastolako irakasle eta gurasoak, Tuteran ospatu den Nafarroa oinezean parte hartu dugu. Hemen duzue, txanda egin ondoren egindako argazkia. Nafarroa Oinez egunak dakarren lana guztiok ezagutzen dugu eta eskerrak eman deialdiari erantzuna eman dioten guraso eta irakasleei.

Foto de Miren(1)

Horrez gain, hemen duzue oinez erronkan parte hartu duten Ikastolako ikasle ohien argazkia.

Foto de Miren

Bukatzeko, espero baino euskaltzale gutxiago hurbildu zirenez Tuterara, Argia Ikastolak laguntza behar du zorrak kitatzeko eta ikastolaren eraikina  egungo beharretara egokitzeko.

Laguntza, Argia Ikastolaren webguneko ibilbide birtuala bidez eman daiteke edo horretarako ezarritako kontu korronteak ere erabil daitezke.

ESKOLAZ KANPOKO EKINTZAK

Aste honetan, urriaren hasierarekin batera eskolez kanpoko ekintzei hasiera eman diegu. Hemen dituzue, Zumba ekintza ondoren ateratako argazkiak.

 

GOITIKO IKASTOLAKO ATERPEAREN INAUGURAZIOA

Joan den larunbatean, irailak 28an, Goitiko ikastolako aterpearen inaugurazioa ospatu genuen.  Inaugurazio honetan, ikastolako guraso eta irakasleak, Baztan udaletxeko alkateak Joseba Otondok, Anastasio Nagore eta Ruben Ziganda zinegotziez gain, Elena Zabaletak, Nafarroako Ikastolen elkarteko lehendakariak ere parte hartu zuen.

Ikastolako dantzariak inaugurazioari hasiera eman zioten, ondoren Guraso elkarteko lehendakariak, Nuria Idoatek, idatzi hunkigarri bat irakurri ondoren instalakuntzen bisita egiteko aukera izan zen, gela eta pasilloetan pintaketa lanak ikustatzeko.

Bukatzeko, lunch goxo bat dastatzeko aukera izan genuen.