MENDI IBILALDIA

Joan den igandean, azaroak 4, mendi ibilaldia izan genuen Lekarozko inguruak ezagutzeko helburuarekin .

Jaime Biguriaren gidaritzapean guraso, haur eta irakasleak Lekarozko bazter ederretan ibili ginen. Goiz zoragarria pasa genuen.

IMG-20181104-WA0009

Advertisements

ELIZONDOKO FERIAK 2018

Baztan ikastolako, Ibai ikasle ohia, Iraide eta Izaro Iturregi ikasleak izan dira aurten pottoka-zozketan saridunak. Zorionak  zuei eta zorionak zuen gurasoei ere!

Pottoka ez zen izan ikastolako ordezkari bakarra Elizondoko ferietan,  6. mailako ikasleak ere, haien jaki goxoak saltzen aritu ziren Merkatu Zelain.

Mila esker laguntza eskaini zenieten guztiei!

IKASTXOKOA, ELIZONDOKO BESTAK 2018

Aurtengo Elizondoko bestak bukatu dira eta Guraso Elkartetik eskerrak eman nahi dizkizuegu.

Esker mila lanean aritu zateren gurasoei, ikastolako irakasleei, ikasle ohiei eta ikastxokora afaltzera edo trago bat hartzera etorri zareten guztiei.

Esker mile Baztandarren Biltzarrari eta Elizondoko Herriari ere.

 

Bizikleta martxa, iruditan

Emozioak ongi bideratzen ikasteko tailerrean parte-hartu dugu

 

Ikasturte honetan Guraso Elkarteak gurasoendako antolatutako bigarren tailerrean, adimen emozionala zer den ikasten aritu gara gaian aditua den Aingeru Oiartzabal psikologoari esker. Emozioak zer diren, norberarenak eta bertzeenak onartzen ikasi beharraren garrantzia eta emozioak ongi bideratzearen garrantzia izan ditugu solasgai.

Umeekin emozioak nola garatu behar diren landu dugu bereziki.  Haurtzaroan trebetasun emozionalak sortzea eta garatzeak eragin arras posibitoa izanen du etorkizunean. Haurrak zenbat eta trebetasun emozional hobeak izan, orduan eta arreta- eta segurtasun-falta arazo gutxiago edukiko ditu etorkizunean, eta portaera erasokorren indizea txikiagoak izanen dira.   

Gizarteratzeko haurrak lehendabizi arlo emozionala garatu behar du, funtsezko elementua da. Familia lehenbiziko gizarteratze maila da eta, hortaz, gurasook gaitasun emozionalen garatzen lagundu behar diogu, baina sarritan ez dugu jakiten nola. Bide horretan urratsak egiten hasteko Aingeru Oiartzabalen laguntza jaso genuen atzoko tailerrean. 

Esker mila, Aingeru! Hurrengo batean zurekin batera urrats gehiago emateko gogoz gelditu gara.

Hizkuntza ohiturak astindu!

Euskaraldia_logoa (1)

Hizkuntza ohiturak astindu eta ohiko harremanetan euskara gehiago erabiltzeko ariketa bat proposatzen du Euskaraldiak: 2018ko azaroaren 23tik abenduaren 3ra, euskaraz hitz egiten edo ulertzen dugun guztion artean egin dezagun euskaraz. Euskal Herri osoan eta elkarrekin arituta, gure egunerokoan eragin genezake.
Bakoitzak bere inguruan, bere ohiko harreman sareetan egitea proposatzen du Euskaraldiak: familian, lagunartean, lanean, eskolan, dendetan…Horretarako, herriz herri antolatuko gara, duike Baztanen ere.

 

Izpegi-Elorrieta-Olate-Izpegi mendi ibilaldia egin dugu

Gure inguruko parajeak ezagutu eta naturaz gozatzeko irteera egin genuen igandean. Eta bidenabar, kirola ere egin genuen, mendi ibilaldia izan baitzen.

Berrogei bat lagun, haur zein heldu, bildu ginen goizean eta Izpegi mendatea izan genuen abiapuntua, 9:30ean. Izpegiko Bentaren gibeletik *Elorrieta mendiko lepora eraman gaituen bideetako bat segitu genuen; bide garbi batetik abiatuz hasmentan eta, ondotik, basoan sartuta. Udaberrian sartuak garen honetan, pagadi berdeen artean ibili ginen.  Basoa gibelean utzita, hondar malda leuna gainditu eta lan handirik gabe  belardiz estalitako Nekaitzeko lepora (815 metro) ailegatu ginen.  Autza itzalaren begiradapean bazkan aritzen dira inguru horietan pottokak. Hurrengo lepoa Olartekoa izan genuen. Geldialdia egin genuen hor, gosaldu eta *Olateko tontorrera igotzeko indarrak hartzeko. Ibilbideko punturik altuena izan zen Olate: 936 m. Paisaia zoragarriaz gozatu genuen kaxkoan: Urrizpilota, Elhorriko Kaskoa eta Nekaitzeko lepoa  ikusten ahal genituen handik. Ondorengoa, berriz Izpegiraino itzuli arteko bidea, maldan beheiti egin genuen.

Hiru ordu inguruko ibilaldia izan zen, aparteko zailtasunik gabea, haur zein helduek egiteko modukoa. Eta ederki pasatu genuen. Eguraldiak ere mesede egin zigun, tenperatura goxoak izan baikenituen lagun.

Esker mila, Jaime, prestatu diguzun ibilbide polit honengatik!

ETIMOLOGIA

*Olate: Ola (mendiko etxola) + Ate. (Mikel Belaskoren hizgitik hartua)= mendiko etxolaren atea

*Elorrieta: Elorri + -eta (ugaritasuna): elorri aunitz dagoen tokia.

Gure ikastola zaharberritzen hasi gara!

ESKER MILA, denei! Ezin lerro hauek idazten hasi auzolanean parte-hartu duzuen guztiei eskerrak eman gabe. Arras kontent gaude Guraso Elkartean guraso zein irakasleen aldetik jaso dugun erantzunarengatik. Gogoz aritu ginen denak lanean ortzegunean eta zeregin aunitz aitzinetu ditugu Haur Hezkuntzako eraikinean obra-lanak hasteko. Eraikina hustu dugu, materiala lekualdatu eta dena dago prest berritze lanak abiatzeko.

Lehen Hezkuntzako eraikinean ere izan genuen zereginik. Batetik, garbiketa eta txukuntze lanak egin genituen eta, bertzetik, areto horian Haur Hezkuntzako gelak prestatu genituen. Izan ere, HHko eraikineko obrek iraun bitartean, gure ttipittoenak areto horian ariko baitira ikasten eta jolasean.

2015eko hazia hasia da loratzen. Orduko lankidetza bere uzta biltzeko bidean da. Eta ilusioz beteta gaude. Lehen urratsa, ortzeguneko auzolana, jada emana dago. Obrak akituta, beste urratsen bat egin beharko dugu -ordukorako ere deituko zaituztegu- eta, ondotik, ikastola berria ikusiko dugu. Gure betiko ikastola, baina berritua!

 

 

 

Euskaraldia, aho biziak eta belarriak prest! Euskara solastu edota entzun!

Euskaraldia formazioa


Txotx egiten ibili gara Lekarozen

Lekarozko Larraldea sagardotegian ospatu dugu ikastolako irakasle eta gurasook txotx denboraldia aurten. Giro arras polita sortu da mahai inguruan bildu garenen artean garaiko sagardoa eta sagardotegiko menu goxoa dastatu bidenabar. Aurten, gainera, trikitixa doinuek alaitu dute gure ospakizuna.

Esker mila Guraso Elkarteak antolatutako ekintza honetan parte-hartu duzuen guztiei eta heldu den txotx denboraldira artio!