Monthly Archives: ekaina 2014
San Ferminetan “Vista Bella”-ra
Takonera parkearen amaieran, Gonzagako Baluartean, zuhazti fresko bat dago. Tokirik aproposena da berotik babestu nahi duenarentzat. Handik, Argako ibarra, Txantrea eta Arrotxapea ikusten ahal dira. Zerbaitegatik deitzen diote iruindarrek toki horri Vista Bella (bista eder). Lasaitasunaz gain euskal giroa ere topatu daiteke, han baitu bere gunea Nafarroa Oinez-ek. Bertan urtero jartzen den txoznan ogitartekoak, jakiak eta edana eskaintzen dute.
Aurten gure ikastolatik ere hainbat guraso joanen dira lanean aritzera. Baztan ikastolak, uztailaren 12an, 18:00etatik-00:00tara eginen du txanda. Bisitatu!!
Hemen daukazue Nafarroa Oinez txoznaren egitraua: Esku programa
Ikastolako besta 2014
Joan den igandean, ekainak 15a, ikastolako besta ospatu genuen.
Eguerdiko 12:00etan ikastolako dantzariak ikuskizun xarmanta eskeini ziguten, jende ugari bildu ginen dantzak ikusten.
Gero bazkaria. Lehenbizi haurrek bazkaldu zuten eta ondoren gurasoek. Puzgarriak jarri genituen frontoian eta gurasoek bazkaltzen genuen bitartean haurran han aritu ziren gustora jolasean. Bazkal ondoren eta sabela ongi beteta, guraso batzuk ere animatu ziren puzgarrietan jolastera, futbolean hain zuzen ere. Ez dakit nork pasatu zuen hobe, haurrek edo beraiek!
Arratsaldean goitiko ikastolako haurrek ikuskizun ugari eskieni zizkiguten. “Baztango Izarrak” taldeak abestu zuten, lehen hezkuntzakoek edalontziekin” Euskara da Euskal Herri” kanta ere antzeztu zuten , eta 5. mailako neskatxak ” Euskaraz bizi nahi dut” abestia dantzatu zuten. Dena arras polita izan zen.
Egun polita pasatu genuen, musika, dantza…
Esker mile denei, datorren urtean berriro!!
Argazki guztiak ikusteko klikatu HEMEN
Kultur astean murgilduak, pilota ( argazkiak )
Jakingo duzuen bezala, ikastolan kultur astea ospatzen ari gara
Kultur ekitaldien barne, pilotari buruz aritu dira gure ikasleak eta aurreko postan esan genizuen bezala, pilotari batzuk egon ziren bisitan.
Pilotari buruzko argazki gehiago ikusteko klikatu HEMEN
Bizikleta martxa
Joan den ostiralean bizikleta martxa ospatu genuen. Arratsaldeko 16:30etan Pilarreko frontoian jende pila bat elkartu ginen. Eguzkiak ederki berotzen zuen…
Parkeko haurrak frontoian gelditu ziren bizikletekin zirkuito bat egiten eta bitartean, goitiko ikastolakoak guraso batzuekin batera bizikletak hartu eta Lekaroz aldera abiatu ziren.
Txikiak buelta eta buelta aritu ziren, etziren nekatzen…istripuren bat ere izan genuen baina denak osorik bukatu zuten.
Ordu bat inguru pasatu zuten goitiko ikastolakoek itzulia egiten eta nekatu xamarrak bueltatu ziren. Frontoian zuku frexko bat hartu zuten partaide guztiek indar berritzeko.
Atsalde pollite pastu genuen denak elkarrekin.
Argazki guztiak ikusteko klikatu HEMEN
Txontxongiloak ikastolan
Ikasturtea akitzen ari da eta urtero bezala “kultur-egunak” bizitzen ditugu.
Bizikleta martxa
Ekainak 6an , ostirala, Bizikleta Martxa antolatu dugu.
Behitiko Ikastolako haurrak Pilarreko Frontoian antolatutako zirkuitoan ibiliko dira 16:30etan hasita. Goitiko Ikastolakoak ordu berean (16:30) Pilarreko frontoitik hasita zirkuito gidatu bat eginen dute.
Ez atzendu bizikleta, kaskoa (ezinbertzekoak) eta merendue. Ahal bada kolore biziko txalekoa edo arropa ekarri. Amaieran freskagarriak eskainiko dira.
Gurasoen laguntza beharrezkoa izanen da, batez ere goitiko ikastolako taldearekin joateko.
Anima zaitezte!!!
Baztango Izarrak
Azkenean, joan den ostiralean Baztango Izarrak taldeak Burlatan kantatu zuten Jaialdi nagusian.
Burlatako kultur aretoa jendez gainezka zegoen. 16 taldek parte hartu zuten jaialdian eta gure Izarrak laugarrenak izan ziren abesten.
Ikastolatik jende dexente joan zen jaialdia ikustera eta gure taldea animatzera.
Partaide guztiek oparitxo bana jasango dute, ikastolara bidaliko dute oparia.
Arras ongi egin duzue Izarrak!!
Argazki guztiak ikusteko klikatu HEMEN