Monthly Archives: abendua 2014
Olentzero 2014 ( Argazkiak )
Joan den asteazkenean Olentzero eta Maridomingi menditik jautsi ziren gu bisitatzera eta urtero bezala harrera polita prestatu genien.
Dantzariak, joaldunak, bertsolariak… denak beraientzat izan zituzten arratsalde osoan zehar.
Gero parkera iritsi ziren eta han txikitxoei nola portatu ziren galdetu ondoren muxuak banatu zizkieten. Gehienak ongi portatu zirela erran zieten baño bakar batzuk “erdi purdi” izan zela onartu zuten.
Gauean denen etxetatik pastu zirela suposatzen dugu, karroa nola zekartzaten ikusita…
Argazki guztiak ikusteko klikatu HEMEN
Saskien zenbaki sarituak
Kaixo!
Olentzero egunean 4 saski zozketatu genituen. 4 zenbaki saridunetatik bi besterik ez dira agertu. Hemen zenbaki saridunak jartzen dizkizuegu, begiratu boletoak, saskiak zuen zain daude eta!!
1. 1861
2. 1277
3. 0478
4. 1810
5 eta 6. mailakoak Xahar Etxean, parkean eta Haur Eskolan
Urtero bezala 5. eta 6. mailako ikasleak Xaharren egoitzan izan ziren xaharrak alaitzeko intentzioarekin. Ikuskizun polita eskaini zieten, kantu, instrumentuekin jotako kantu, bertso eta antzerkiak eskainiz.
Ondotik, Xaharren egoitzatik atera eta beheitiko ikastolara joan ziren Ikastolako ttikienei ere Eguberrietako emanaldia eskaintzera.
Haur Eskolara ere joan ziren ttikienak alaitzera.
Argazki guztiak ikusteko klikatu HEMEN
Olentzero ttiki ( argazkiak )
Gan den Ostiralean oporrak ongi asteko Olentzero ttiki ospatu genuen.
Goizeko 11:00etatik eguerdirarte ikastolako ikasleak kantari ibili ziren Elizondon barna.
Egun hortako argazkiak ikusi nahi badituzue klikatu HEMEN
Eskerrak
Kaixo gurasoak!
Gaur eskerrak emateko idazten dizuegu. Alde batetik, 1. eta 2. mailako gurasoei Olentzero egunean zozketatzen diren saskiak egiteko ikastolara produktuak ekartzea eskatu genizuen. Erran beharra dugu arras esku zabalak izan zaretela eta aurten 4 saski eder zozketatuko direla!!
Esker mile!
Eta bertze alde batetik, joan den ostegunean jostailu bilketa egin genuen. Jostailu asko bildu ziren ikastolan eta ” Fundación compriso y acción ” erakundetik eskerrak ematea eskatu digute, famili asko omen zeuden oparirik gabe oraindik eta mesede haundia egin diegu.
Beraz, esker mile denei!!
Eguberriko krosa 2014
Joan den igandean eguberriko krosa ospatu genuen. Aurten ere jende ugarik parte hartu zuen laisterketan, 3 urteko haurrak ttikienak izan ziren eta erran beharra dugu dena eman zutela.
Ttikienetatik 6. mailakoak arte gelaka banaturik laister egin zuten eta aurten domina oparitu zitzaien parte hartzaile guztiei.
Gurasoak ere animatu ziren eta buelta pare bat eman zizkioten itzuliari sprint ikaragarri batekin bukatuz.
Laisterketa akitu ondoren gosari pixka bat egin genuen, salda goxo goxo bat eta txistorra eta xinger pintxoak, zukuak, frexkagarriak eta ardoa bultzatzeko genituelarik.
Argazki guztiak ikusteko klikatu HEMEN
Helduen urtean berriz!!